Thursday, January 6, 2011

வரலாற்றில் இன்று: ஜனவரி 05

1846: அமெரிக்காவின் ஓரிகன் பிராந்தியத்தை பிரிட்டனுடன் பகிர்ந்துகொள்ளும் திட்டத்தை அமெரிக்க நாடாளுமன்றம் நிராகரித்தது.

1854: சான் பிரான்ஸிஸ்கோவில் கப்பலொன்று மூழ்கியதால் சுமார் 300 பேர் பலி.

1896: வில்லியம் ரொஞ்ஜன் கதிர்வீச்சொன்றை கண்டுபிடித்ததாக ஆஸ்திரிய பத்திரிகையொன்று செய்திவெளியிட்டது. இக்கதிர்வீச்சு எக்ஸ்றே கதிர் எனப் பிரபலமாகியது.

1909: பனாமாவின் சுதந்திரத்தை கொலம்பியா அங்கீகரித்தது.
1940: எவ்.எம். வானொலி முதல்தடவையாக இயக்கிக் காண்பிக்கப்பட்டது.

1971: உலகின் முதலாவது ஒருநாள் சர்வதேச கிரிக்கெட் போட்டி அவுஸ்திரேலியாவுக்கும் இங்கிலாந்துக்கும் இடையில்  மெல்போர்ன் நகரில் நடைபெற்றது.

1976: கம்போடியாவின் பெயர் 'ஜனநாயக கம்பூச்சியா' என மாற்றப்பட்டது.
1993:  ஸ்கொட்லாந்துக்கு அருகில் எண்ணெய் தாங்கி கப்பலொன்று மூழ்கியதால் 84,700 தொன் எண்ணெய் கடலில் கசிந்தது.

Divx Pro பிளேயர் மற்றும் கன்வெர்டர் மென்பொருள்கள் இலவசமாக



Divx என்றால் என்ன?


Divx என்பது Digital video Express என்பதன் சுருக்கமாகும். இது Divx inc நிறுவனத்தால் உருவாக்கப்பட்ட வீடியோ வகைகளுள் ஒன்றாகும் (Video format). இதன் மூலம் நம்மால் பெரிய அளவிலான வீடியோ கோப்புகளை சிறிய அளவில் சுருக்கி வைத்துக்கொள்ள முடியும். முக்கிய விசயம் என்னவென்றால் இதனால் வீடியோவின் தரம் குறைந்து விடாது என்பது தான்.

Divx மென்பொருள் தொகுப்பில் கீழ்க்கண்ட மென்பொருள்கள் அடங்கியுள்ளன.

1. DivX plus player
2. DivX plus Converter
3. DivX plus Codec
4. DivX Web Player.

Divx player – Divx, avi, mp4,wmv,mkv போன்ற முக்கிய வீடியோ வகைகள் அனைத்தையும் இயக்க முடியும்.

Divx converter – இதன் மூலம் எந்த வீடியோ வகைகளிலிருந்தும் divx வடிவத்திற்கு
மாற்றிக்கொள்ளலாம்.

Divx codec – கணிணியில் divx வகையிலான வீடியோ படங்களை இயக்குவதற்கு
உதவும் நிரலாகும்.

Divx web player – IE, Firefox போன்ற Web Browser பயன்படும் ஒரு நீட்சியைப்போன்றது. இதன் மூலம் வெப் சர்வர்களில் வைக்கப்பட்டுள்ள படங்களை தெளிவாக காண முடியும்.

நம்மால் இதன் இலவச மென்பொருள் தொகுப்பு மட்டுமே சாதாரணமாக தரவிறக்க முடியும். தற்போது ஆன்லைனில் சாப்ட்வேர் மற்றும் ஹார்டுவேர்களை விற்பனை செய்யும் NewEgg நிறுவனத்தால் 20 டாலர் மதிப்புள்ள Divx plus Pro 8 ஐ இலவசமாக தரவிறக்க அனுமதித்துள்ளது.

தரவிறக்க முகவரி:http://promotions.newegg.com/Software/110410divx/install.html

4 லட்சம் ஆண்டு முந்தைய மனிதனின் பல் கண்டுபிடிப்பு

டெல்அவிவ்: இஸ்ரேலின் பென்குரியன் விமான நிலையத்தில் இருந்து சுமார் 10 கி.மீ. தூரத்தில் உள்ளது ரோஷ்ஹாஆயின். இங்கு உள்ள மிக பழமையான கீசெம் குகையில் டெல்அவிவ் பல்கலைக்கழக அகழ்வாராய்ச்சியாளர்கள் அவிகோபர், டாக்டர் ரான்பர்கி தலைமையில் அகழ்வாராய்ச்சி மேற்கொள்ளப்பட்டது. இதில் 8 மனித பற்கள் உள்ளிட்ட ஏராளமான புதைபொருட்கள் கண்டெடுக்கப்பட்டுள்ளன.

நெருப்பை பயன்படுத்தியதற்கான ஆதாரங்கள், வேட்டையாடியதற் கான சான்றுகளாக ஆயுதங்கள், அசைவ உணவுகளை சமைத்து உண்பதற்கு ஏதுவாக பயன்படுத்தப்பட்ட பாத்திரங்கள், கத்தி உள்ளிட்ட பொருட்களும் கிடைத்துள்ளன. பற்களை ஆராய்ந்ததில் அவை 4 லட்சம் ஆண்டுகளுக்கு முந்தைய நாகரிக மனிதர்களின் பற்கள் என்பது உறுதியாகி உள்ளது. இதுபற்றி ஆராய்ச்சியாளர்கள் மேலும் கூறியதாவது: நாகரிக மனிதன் தோன்றி 2 லட்சம் ஆண்டுகள் ஆவதாகவும் அவர்கள் ஆப்ரிக்காவில்தான் முதலில் தோன்றினர் என்றுமே இன்றளவும் நம்பப்படுகிறது.

ஆனால் நாகரிக மனிதன் தோன்றி 4 லட்சம் ஆண்டுகள் ஆகின்றன என்பதையும் அவர்கள் இஸ்ரேலில்தான் முதன் முதலில் தோன்றினர் என்பதையும் தற்போதைய கண்டுபிடிப்பு உறுதிப்படுத்தி உள்ளது. 2000 ம் ஆண்டில் இந்த குகை கண்டுபிடிக்கப்பட்டது. அங்கு நடத்தப்பட்ட அகழ்வாராய்ச்சியில் இதற்கான ஆதாரங்கள் கிடைத்துள்ளன. அங்கு கிடைத்த பற்களை வைத்து மார்பாலஜி, சிடி ஸ்கேன், எக்ஸ்ரே உள்ளிட்ட பரிசோதனைகள் நடத்தியதில் அவை 4 லட்சம் ஆண்டுகளுக்கு முந்தையது என்பது உறுதியாகி உள்ளது.

Wednesday, January 5, 2011

வரலாற்றில் இன்று: ஜனவரி 04

கி.மு. 45: ரஷ்பினா சமரில் டைட்டஸ் லாபீனஸை ஜூலியஸ் சீசர் தோற்கடித்தார்.

1642: இங்கிலாந்து மன்னர் முதலாம் சார்ள்ஸ், நாடாளுமன்ற அங்கத்தவர்களை கைது செய்வதற்கு படையினரை அனுப்பியதையடுத்து சிவில் யுத்தம் மூண்டது.

1762: ஸ்பெய்ன் மற்றும் நேப்பிள்ஸ் மீது பிரிட்டன் யுத்தப் பிரகடனம் செய்தது.

1865: நியூயோர்க் பங்குச் சந்தை தனது முதலாவது நிரந்தர தலைமையகத்தை நியூயோர்க் நகர வோல் ஸ்ரீட்டில் திறந்தது.

1948: பிரிட்டனிடமிருந்து பர்மா சுதந்திரம் பெற்றது.

1951: கொரிய யுத்தத்தில் சீன-வடகொரிய படைகள் சியோல் நகரை கைப்பற்றின.

2004: நாசாவினால் ஏவப்பட்ட மார்ஸ் விண்கலம் செவ்வாய் கிரகத்தில் தரையிறங்கியது.

2007: அமெரிக்காவில் முதலாவது பெண் சபாநாயகராக நான்ஸி பெலோஸி தெரிவானார்.

2007: உலகின் மிக உயர்ந்த கட்டிடமான கட்டிடமான 'புர்ஜ் கலீபா' (2717 அடி) துபாயில் உத்தியோகபூர்வமாக திறக்கப்பட்டது.

நீங்கள் மறப்பதினை நினைவூட்டும் இணைய தளம்.(http://www.remime.com/)


மறதி என்பது ஒவ்வொரு மனிதனுக்கும் இயல்பாகவே உள்ளதாகும். வாழ்க்கையில் சில முக்கிய நிகழ்ச்சிகளை நாம் மறந்து போகிறோம். நண்பர்களின் பிறந்த நாள், நண்பர்களின் திருமணம்,, என எத்தனையோ விடயங்களை நாங்கள் வாழ் நாட்களில் மறந்து விடுகிறோம்.


எம்முடன் இருப்பவர்களும் எமக்கு அதனை நினைவூட்ட மறந்துவிடுகின்றனர். ஆனால் நாம் அன்றாடம் உறவாடும் கம்ப்யூட்டரும் இணையமும் இந்த பணியை நமக்குச் சரியாக மேற்கொண்டு நம்மை பல இக்கட்டுகளிலிருந்து பாதுகாக்கின்றன. இதற்காகவே ஒரு இணையதளம் நினைவுபடுத்தும் செயல்பாட்டினை மேற்கொள்கிறது.  


இதன் பணிகளைப் பார்த்தால் நிச்சயம் இதனைப் பயன்படுத்திக் கொள்ள நீங்கள் முடிவு செய்வீர்கள். இந்த சேவை இலவசமாகக் கிடைக்கிறது என்பது இன்னும் மகிழ்ச்சிக்குரிய செய்தியாகும்.  http://www.remime.com என்பதே அந்த தளத்தின் முகவரி. இதில் Log On செய்து முதலில் உங்களுக்கென்று ஒரு கணக்கினை ஆரம்பியுங்கள். பின்னர் உங்கள் இமெயில் முகவரியை டைப் செய்து பாஸ்வேர்ட் ஒன்று உருவாக்கவும். முக்கியமாக எந்த நேர வளாகத்தில் (time zone) நீங்கள் உள்ளீர்கள் என்பதனைக் குறிப்பிடுவது முக்கியம்.

அங்கு தரப்பட்டிருக்கும் வேரிஃபிகேசன் சொல்லை (verification Words) டைப் செய்து Create My Account என்ற இடத்தில் என்டர் தட்டவும். பின் ஓரிரு நிமிடங்களில் நீங்கள் கொடுத்த இமெயில் அக்கவுண்ட்டிற்கு தகவல் அனுப்பப்பட்டு உங்கள் பதிவு ஏற்றுக் கொள்ளப்படும். இனி மீண்டும் அந்த தளத்திற்குச் சென்று உள்ளே செல்லவும். உள்ளே நுழைந்தவுடன் அங்கு மூன்று டேப்கள் இருப்பதனைக் காணலாம். முதலாவதாக Home என்ற பிரிவு. இதில் பிறந்தநாள்கள், முக்கிய நிகழ்ச்சிகள் ஆகியவற்றைப் பதிந்து கொள்ள வசதி தரப்பட்டிருக்கும்.

இவற்றின் கீழேயே அடுத்து வர இருக்கும் நிகழ்ச்சிகளின் பட்டியல் மற்றும் உங்கள் அக்கவுண்ட்டிற்கான லிங்க்குகளைக் காணலாம். தானாகவே நீங்கள் அடுத்து வர இருக்கும் நிகழ்ச்சிகள் (Upcoming Events) பட்டியலில் இருப்பீர்கள். My Account என்ற பகுதியில் கிளிக் செய்தால் நீங்கள் ஏற்கனவே கொடுத்த தகவல்களை எடிட் செய்து மாற்றலாம். Birthdays என்ற பிரிவு மேலும் பல வகைகளாகப் பிரிக்கப்பட்டிருப்பதனைக் காணலாம்.

View All Birthdays, Add New Birthday, Import and Get Friend’s Birthday இதில் எனத் தரப்பட்டிருக்கும். Get Friend’s Birthday என்ற பிரிவின் மூலம் உங்கள் நண்பருக்கு இமெயில் மூலம் செய்தி அனுப்பி அவரின் பிறந்த நாளைக் காணலாம். Events என்ற பிரிவில் முக்கிய நிகழ்ச்சிகளைப் பதிந்து வைத்து அறிந்து கொள்ளலாம். புதிய நிகழ்ச்சிகளையும் சேர்க்கலாம். புதிய நிகழ்ச்சிகளைச் சேர்க்கையில் அது குறித்து ஒரு நினைவூட்டல் வேண்டுமா அல்லது அடுத்தடுத்து வேண்டுமா என்று குறிப்பிடலாம். இவ்வாறு தர வேண்டிய தகவல்களைத் தந்துவிட்டால் இந்த தளம் தானாக உங்களுக்கு அவ்வப்போது நீங்கள் செட் செய்ததற்கு ஏற்ப நினைவூட்டும் செய்திகளை அனுப்பிக் கொண்டே இருக்கும். இது உங்களுக்கு பயனுள்ள பதிவாக இருக்கு

கணனியின் உட்கட்டமைப்பு தகவல்களை அறிந்துகொள்ள ஒரு இலவச மென்பொருள்


கணனியின் உள்ளக கட்டமைப்புக்கள் மற்றும் அதன் வன்பொருட்கள்  பற்றிய தகவல்களை அறிந்து கொள்ளவென பலவழிகள் உள்ளன.

அவ்வாறு பலவழிகள் இருகின்றபோதிலும் QuickSYS Informer என்னும் மென்பொருளானது கணனியின் உட்கட்டமைப்புகள்  பற்றிய தகவல்களை வழங்குவதோடு இந்த மென்பொருளானது மிக இலகுவான இடைமுகத்துடன் (Interface) வடிவமைக்கப்பட்டுள்ளது.

இந்த மென்பொருளானது
CPU usage;
Hard disk usage;
Memory usage;
Network adapter use; and
Battery life (for notebooks)

போன்றவற்றின் தகவல்களை அறிந்து கொள்ளகூடியவிதத்தில் வடிவமைக்கப்பட்டுள்ளது. அத்துடன் உங்கள் கணணி மெதுவாக வேலை செய்யும் நேரங்களில் அதன் குறைகளை அறிந்து கொள்ளக்கூடிய விதத்திலும் வடிவமைக்கப்பட்டுள்ளது.

இந்த மென்பொருளினை windoows 2000, 2003, XP, Vista, or Windows 7 (32 and 64 bit versions)  போன்ற இயங்குதளங்கள் உள்ள கணனிகளில் நிறுவமுடியும் அத்துடன் 1.4MB இடவசதி போதுமானதாக உள்ளது.

3D ஐபோன்கள் விரைவில் அறிமுகம்

கண்ணாடிய அணிய அவசியமில்லாத 3டி ஐபோன்களை தயாரித்து விற்பனைக்கு விடஉள்ளது ஆப்பிள் நிறுவனம். தற்போதுள்ள 3டி வீடியோக்களும், படங்களும் பார்ப்பதற்கு அதற்கான பிரத்யேக கண்ணாடிகள் அவசியம் தேவை.

தற்போது ஆப்பிள் நிறுவனம் அதற்கான திரைகளை தயாரித்து அதன்வழியாக படங்களை காண்பிக்கவைப்பதற்கான முயற்சியில் ஈடுபட்டு வருகிறது.
இதற்காக ஹாலோகிராம் சங்கேத குறியீடுகளை உபயோகித்து சோதனைகளை நடத்தி வருகிறது.
இந்த முயற்சி வெற்றி பெறும் பட்சத்தில் ஐபோனிலும், கம்ப்யூட்டரிலும்பயன்படுத்த முடிவு செய்துள்ளது.