Saturday, January 8, 2011

கலர் புகைப்படங்களை கருப்புவெள்ளை படங்களாக மாற்ற அருமையான மென்பொருள்

நமக்கு பிடித்த பலவற்றை புகைப்படங்களாக சேமித்து வைத்திருப்போம். சில படங்களை பார்க்கும் போது கலர் புகைப்படத்தை விட கருப்பு வெள்ளை படமாக இருந்தால் எவ்வளவு அழகாக இருக்கும் எனத்தோன்றும். அவ்வாறு நாம் கலர் புகைப்படத்தை கருப்புவெள்ளை படமாக மாற்ற நினைத்தாலும் அந்த புகைப்படத்தினை போட்டோசாப் போன்ற எதாவது ஒரு போட்டோஎடிட்டிங்  மென்பொருளின் உதவியுடன் மட்டுமே செய்ய முடியும். அவ்வாறு இல்லாமல் நாம் நினைத்த புகைப்படத்தை ஒரு நொடியில் கருப்புவெள்ளை புகைப்படமாக மாற்றினால் எவ்வளவு அருமையாக இருக்கும். அப்படிப்பட்ட மென்பொருள் தான் Black And White Photo Maker.

மென்பொருளை தரவிறக்க:-சுட்டி


இந்த மென்பொருளை இணையத்தில் இருந்து பதிவிறக்கி நிறுவிக்கொள்ளுங்கள் இந்த மென்பொருளானது ப்ரீவேர் மென்பொருளாகும். இந்த மென்பொருளை ஒப்பன் செய்து எந்த புகைப்படத்தை கருப்புவெள்ளை புகைப்படமாக மாற்ற நினைக்கிறீர்களோ அதை தேர்வு செய்யவும் பின் அளவு (Size) யை தேர்வு செய்யவும். பின் உங்களுக்கு எந்த பார்மெட்டில் புகைப்படம் வேண்டுமோ அதை தேர்வு செய்யவும், நீங்கள் குறிப்பிடும் இடத்தில் புகைப்படமானது சேமிக்கப்படும்.

சிறப்புகள்:
  • எந்த அளவில் வேண்டுமானலும் புகைப்படத்தை மாற்றிக்கொள்ள முடியும்.
  • Clipboard-களையும் இந்த மென்பொருளானது சப்போர்ட் செய்யக்கூடியது ஆகும்.
  • இந்த மென்பொருளானது JPEG, BMP, GIF, PNG, TGA, ICO மற்றும் பல இமேஜ் பைல் பார்மெட்டுகளை சப்போர்ட் செய்யக்கூடியது ஆகும்.
  • வேண்டிய அளவில் புகைப்படத்தை தேர்வு செய்து கருப்புவெள்ளை புகைப்படமாக மாற்றிக்கொள்ள முடியும்.

வரலாற்றில் இன்று: ஜனவரி 07

1610: கலிலியோ கலிலி ஜூபிட்டர் கிரகத்தின் நான்கு பெரிய சந்திரன்களை முதல் தடவையாக அவதானித்தார்.

1782: அமெரிக்காவின் முதலாவது வர்த்தக வங்கியான அமெரிக்க வங்கி திறக்கப்பட்டது.
1785: பிரான்ஸை சேர்ந்த ஜீன் பியரி பிளங்கர்ட், அமெரிக்காவைச் சேர்ந்த ஜோன் ஜெவ்ரி ஆகியோர் இங்கிலாந்திலிருந்து பிரான்ஸுக்கு பலூனில் பறந்தனர்.

1797: இத்தாலியின் நவீன தேசிய கொடி பாவனைக்கு வந்தது.
1919: சேர்பியாவுடன் மொன்டேநீக்ரோ இணைப்பதற்கு எதிராக மொன்டேநீக்ரோ கெரில்லாக்கள் கிளர்ச்சி செய்தனர். இப்போராட்டம் தோல்வியில் முடிவுற்றது.

1927: அத்திலாந்திக் சமுத்திரத்திற்கூடான முதலாவது தொலைபேசி சேவை ஆரம்பிக்கப்பட்டது.

1950: அமெரிக்காவின் டெவன்போர்ட் நகர வைத்தியசாலையொன்றில் ஏற்பட்ட தீ விபத்தில் 41 பேர் பலி.
1952: அமெரிக்க ஜனாதிபதி ஹரி ட்ரூமன், அமெரிக்காவிடம் ஐதரசன் குண்டுகள் இருப்பதாக அறிவித்தார்.

1954: நியூயோர்க் நகரில் ஐ.பி.எம். தலைமையகத்தில் கணினி மூலம் மொழிபெயர்ப்பு செய்துகாண்பிக்கப்பட்டது.

1959: கியூபாவில் பிடெல்காஸ்ட்ரோவின் அரசாங்கத்தை அமெரிக்கா அங்கீகரித்தது.
1972: ஸ்பெய்னில் இடம்பெற்ற விமான விபத்தில் 104 பேர் பலி.

1980: 3 வருடங்கள் அதிகாரத்தை இழந்திருந்த இந்திரா காந்தியின் காங்கிரஸ் கட்சி இந்திய நாடாளுமன்றத் தேர்தலில் வெற்றியீட்டியது.
 1990: இத்தாலியின் பைஸா சாய்ந்த கோபுரம் பாதுகாப்பு காரணங்களுக்காக பொதுமக்களின் பார்வைக்கு மூடப்பட்டது.

1999: அமெரிக்க ஜனாதிபதி பில் கிளிண்டன் மீதான நாடாளுமன்ற குற்றவியல் விசாரணை ஆரம்பிக்கப்பட்டது.
 

Friday, January 7, 2011

கூரிய பற்களைக்கொண்ட பறக்கும் தவளைகள்: வியட்நாமில் கண்டுபிடிப்பு


வழமைக்கு மாறான புதிய வகை தவளை வகையொன்றினை அவுஸ்திரேலிய விஞ்ஞானியொருவர் தென் வியட்நாம் காடுகளில் கண்டுபிடித்துள்ளார்.இத் தவளையினத்துக்கு 'வெம்பயர் பிளையிங் புரக்'என பெயரிட்டுள்ளனர்.அதாவது பறக்கும், இரத்தம் குடிக்கும் தவளையாகும்.

இத்தவளைகள் மரத்திற்கு மரம் தனது கால்களில் காணப்படும் மென்சவ்வின் உதவியுடன் பறப்பதாகவும் அவ் விஞ்ஞானி தெரிவித்துள்ளார்.
மேலும் இத்தவளை இனத்தின் குஞ்சுகளானது மிகவும் கூரிய பற்களை உடையன.
இவ்வினமானது அடர்ந்த காடுகளில் உள்ள சிறிய நீர் நிலைகளிலும், மரப் பொந்துகளிலுமே வாழ்கின்றன.

இத்தவளை இனம் பற்றி தற்போதே அறியக்கிடைத்திருப்பதாகவும் இது தொடர்பில் நிறைய ஆய்வுகள் மேற்கொள்ளவேண்டியிருப்பதாகவும் அவர் தெரிவித்துள்ளார்.

வரலாற்றில் இன்று: ஜனவரி 06

1721: பிரிட்டனில்  'சௌத் ஸீ'குமிழ் மோசடி குறித்து விசாரிப்பதற்கு நியமிக்கப்பட்ட குழு அதன் அறிக்கையை சமர்ப்பித்தது.

1838: சாமுவேல் மோர்ஸ் இலத்திரனியல் டெலிகிராவ் சோதனையை வெற்றிகரமாக மேற்கொண்டார்.

1929: அன்னை திரேஸா இந்தியாவில் வறிய மக்களுக்கான தனது சேவையை ஆரம்பிப்பதற்கு கல்கத்தாவை சென்றடைந்தார்.

1931: தோமஸ் அல்வா எடிஸன் தனது கடைசி காப்புரிமைக்கு வி;ண்ணப்பித்தார்.

1950:
சீன மக்கள் குடியரசை பிரிட்டன் அங்கீகரித்தது. அதற்கு பதிலடியாக சீனக் குடியரசு (தாய்வான்) பிரிட்டனுடனான இராஜதந்திர தொடர்புகளை துண்டித்தது.

1953: முதலாவது ஆசிய சோசலிஷ மாநாடு பர்மாவின் தலைநகர் ரங்கூனில் நடைபெற்றது.

1994: அமெரிக்க ஸ்கேட்டிங் வீராங்கனை நான்ஸி கேரிங்கன், தனது  போட்டியாளரினால் ஏவப்பட்ட குழுவினால் முழங்காலில் அடித்து காயப்படுத்தப்பட்டார்.

Motorola வின் மிரட்டலான Xoom

பிரபல அமெரிக்க இலத்திரனியல் சாதன தயாரிப்பு நிறுவனமான மோட்டரோல்லா அதி நவீன டெப்லட் கணனியை தற்போது அறிமுகப்படுத்தியுள்ளது. இதற்கு மோட்டரோல்லா சூட்டியுள்ள பெயர் எக்சூம் (Xoom) ஆகும்.

அப்பிளின் ஐ-பேட், செம்சுங்கின் கெலக்ஸி டெப் வரிசையில் இப்புதுவருடத்தின் முதல் அதி நவீன டெப்லட் கணனி இதுவாகும்.



இதன் முக்கிய சிறப்பம்சம் யாதெனில் அண்ட்ரோயிட் 3.0 அனிகோம் இயக்குதளமாகும். இது சிறப்பாக டெப்லட் கணனிகளுக்காக மட்டும் உருவாக்கப்பட்டதாகும்.

இது தவிர என்விடியா டெக்ரா 2 டுவல் கோர் புரசசர் இதில் உபயோகிக்கப்பட்டுள்ளமை கூடுதல் சிறப்பம்சமாகும்.

இதன் மேலதிக சிறப்பம்சங்கள்

* 10.1-inch 1280×800 resolution display

* Android Honeycomb 3.0 OS

* Nvidia Tegra 2 dual core processor

* Dual Cameras

* 5 MP rear-facing camera with dual LED flash

* 2 MP front-facing camera

* 1GB RAM

* 32 GB inbuilt memory

* Micro SD support

* Wi-Fi 2.4GHz & 5GHz 802.11b/g/n

* Bluetooth 2.1

* 3.5mm audio jack

* micro USB 2.0 HS

* 730 g weight

* 249.1mm (h) x 167.8mm (w) x 12.9mm (d) - dimension

* AAC, AAC+, AMR NB, AMR WB, MP3, XMF support

* 10 hour video playback - battery

இக்கணனியானது இவ்வருட மார்ச் மாதம் சர்வதேச சந்தையில் விற்பனைக்கு வரவுள்ளது.

இதன் விலை தொடர்பில் எதுவித தகவல்களும் இதுவரை வெளியாகவில்லை.


Thursday, January 6, 2011

எகிப்தில் கண்டுபிடிக்கப்பட்ட சுவர்!


வரலாற்று ஆசிரியர்களையும், தொல்லியல் நிபுணர்களையும் இன்று வரை வியந்து பார்க்க வைத்துக் கொண்டிருப்பவை, எகிப்தில் உள்ள பிரமாண்ட பிரமிடுகள். இவற்றை ஒட்டியுள்ள `ஸ்பிங்க்ஸ்’ (சிங்கத்தின் உடலும், மனிதத் தலையும் கொண்ட மகா உருவம்) போன்ற அமைப்புகளும் ஆச்சரியத்தோடு அண்ணாந்து பார்க்க வைக்கின்றன.

`கிஸா’ பிரமிடு பகுதியில் கட்டப்பட்ட 3 ஆயிரத்து 400 ஆண்டுகள் பழமையான ஒரு மண் சுவரை தற்போது தொல்லியல் நிபுணர்கள் தோண்டிக் கண்டுபிடித்திருக்கின்றனர். இந்தச் சுவர், கிஸா பிரமிடையும், கிரெட் ஸ்பிங்ஸையும் மணல் வீச்சில் இருந்து காப்பாற்றுவதற்காகக் கட்டப்பட்டிருக்கலாம் என்பது தொல்பொருள் ஆய்வாளர்களின் கருத்து. இரண்டு பகுதிகளாகக் காணப்படும் அந்தச் சுவர், நான்காம் துட்மோஸ் அரசர் காலத்தில் கட்டப்பட்டிருக்கலாம் என்று மதிப்பிடப்பட்டுள்ளது.


கி.மு. 14-ம் நூற்றாண்டில் எகிப்தை ஆண்ட 8-வது பாரோ மன்னர் அவர். சுவரின் இரண்டு பகுதிகளும் சுமார் மூன்றடி உயரம் இருக்கின்றன. ஒரு பகுதி, வடக்கு- தெற்கு திசையில் 86 மீட்டர்கள் நளமும், மற்றொரு பகுதி கிழக்கு- மேற்கு திசையில் 46 மீட்டர்கள் நீளமும் இருக்கின்றன. இங்கு இதுபோல மறைந்து கிடக்கும் மேலும் பல ரகசியங்களை வெளிக்கொணரும் ஆய்வில் தொல்லியல் நிபுணர்கள் தொடர்ந்து தீவிரமாக ஈடுபட்டுள்ளனர்.

Hard Disk னை விருப்பபடி பிரிக்க - Free Disk Manager

விண்டோஸ் ஆப்ரேட்டிங் சிஸ்ட்டத்தில் Hard Disk ஆப்ரேட்டிங் சிஸ்ட்டம் நிறுவும் போதே தனித்தனி பகுதியாக பிரித்து வைத்திருப்போம். உதாரணமாக (C: D: E:) என தனித்தனி பகுதியாக Hard Disk பிரித்து வைத்திருப்போம். முதலில் ஆப்ரேட்டிங் சிஸ்ட்டத்தை நிறுவும் போதே தனித்தனியாக பிரித்த Hard Disk னை மீண்டும் மறுசீரமைக்க முடியாது என நம்மில் சிலர் நினைப்போம் ஆனால் இவ்வாறு பிரித்த Hard Diskனை நம்முடைய விருப்பபடி பிரித்து கொள்ள முடியும். இதற்கு சந்தையில் பல மென்பொருட்கள் கிடைக்கிறன. ஏன் நாம் நிறுவியுள்ள ஆப்ரேட்டிங் சிஸ்ட்டத்தின் உதவியுடன் கூடவே இதை நம்மால் செய்ய முடியும்.


இலவசமாக இணையத்தில் கிடைக்கும் மென்பொருட்கள் நம்பக தன்மையற்றதாக உள்ளது. இதுபோன்ற சூழ்நிலையை சமாளிக்க வேண்டுமெனில். நாம் மென்பொருளை உரிய உரிமத்துடன் பெற வேண்டும். நாம் இதை பணம் செலுத்தி பெற வேண்டும். இல்லாமல் இலவசமாகவும் பெற முடியும். அப்படிப்பட்ட மென்பொருள்தான் Disk Manager.

மென்பொருளை தரவிறக்க சுட்டி
மென்பொருளை தரவிறக்க சுட்டி1


இந்த தளத்திற்கு சென்று உங்களுடைய பெயர் மற்றும் ஈமெயில் முகவரியை உள்ளிட்டு Get Keycode என்ற Buttonனை அழுத்தவும். உடனே உங்களுடைய ஈமெயில் முகவரிக்கு பெயர் மற்றும் கீ இரண்டும் அனுப்பி வைக்கப்படும். நீங்கள் முதலில் சென்ற தளத்திலேயே மென்பொருளை தரவிறக்கி கொள்ள சுட்டியானது இருக்கும். பின் நீங்கள் மென்பொருளை நிறுவும் போது இந்த பெயர் மற்றும் கீயை உபயோகித்து நிறுவிக்கொள்ள முடியும்.


இந்த மென்பொருளின் உதவியுடன், ஏற்கனவே பிரிக்க Hard Diskனை நீங்கள் மீண்டும் Delete, Format,Re Size போன்ற நடவடிக்கைகளை மேற்கொள்ள முடியும். இந்த மென்பொருளானது விண்டோஸ் Xp/Vista/7 போன்ற இயங்குதளங்களில் செயல்படக்கூடியது ஆகும். இந்த மென்பொருளானது Fat32,Fat16,Ntfs போன்ற பைல் சிஸ்ட்டங்களை ஆதரிக்க கூடியது ஆகும். ஒரு Partition ல் உள்ள பைல்களை மற்றொரு Patrician க்கு மாற்றிக்கொள்ள முடியும். மேலும் பல்வேறு விதமான சிறப்பம்சங்கள் இந்த மென்பொருளில் அடங்கியுள்ளது.