Thursday, January 27, 2011

G-Mail ல் பயனுள்ள புதிய வசதி - Incoming Mail and Chat Alert

நாம் எந்த நேரமும் Online லேயே இருக்க முடியாது. அந்த நேரத்தில் நமது G-Mail ல் முகவரிக்கு வரும்  ஏதேனும் முக்கியமான Mail அல்லது முக்கிய நபரிடம் இருந்து Chat வந்தாலோ அவை நாம் மறுபடியும் எப்பொழுது ஜிமெயிலை திறக்கும் போது தான் தெரிய வரும். இதன் மூலம் சில முக்கியமான Chatting  நாம் தவற விட்டு விடுவோம். அல்லது நமக்கு வந்துள்ள முக்கிய மெயிலை காலம் தாழ்ந்தே படிக்க கூடிய பிரச்சினை இருந்தது. இனி அந்த பிரச்சினை நமக்கு இருக்காது.  ஜிமெயிலில் ஒரு புதிய வசதியை அறிமுக படுத்தி உள்ளனர் அதாவது DESKTOP NOTIFICATIONS EMAIL AND CHAT என்பதாகும்.
 
இனி நாம் Offline ல் இருந்தாலும் நமக்கு ஏதேனும் முக்கிய மெயில் வந்தாலோ அல்லது நமக்கு ஏதேனும் சாட் வந்தாலோ இனி நமக்கு ஒரு அறிவிப்பு செய்தி வரும். அதை பார்த்து முக்கிய நபரிடம் இருந்து வந்தால் நாம் அதை தவறவிடாமல் உடனே அதற்க்கு பதில் அளிக்கலாம்.
 
புதிய Mail வந்தால் 
 

 புதிய Chatting வந்தால் 
 

  • இந்த வசதியை பெற இந்த லிங்கில் க்ளிக் செய்து www.gmail.com உங்கள் ஜிமெயில்  கணக்கில் நுழைந்து கொள்ளுங்கள்.
  • பின்பு ஜிமெயிலில் Settings க்ளிக் செய்யுங்கள்.
  • பிறகு அங்கு உள்ள Destop Notification வசதிக்கு சென்று கீழே படத்தில் உள்ள மாதிரி தேர்வு செய்யவும்.
  • படத்தில் உள்ளதை போல தேர்வு செய்ததும் கீழே கடைசியில் உள்ள SAVE CHANGES என்ற பட்டனை க்ளிக் செய்து உங்கள் மாற்றத்தை சேமித்து கொள்ளுங்கள்.
  • அவ்வளவு தான் இனி எப்பொழுதும் ஆன்லைனில் இருந்து கொண்டு மெயில் வருமா,வருமா என பார்த்து கொண்டு இருக்க தேவையில்லை புதிய மெயில் வந்தால் நாம் Offline ல் இருந்தாலும் நமக்கு அறிவிப்பு செய்தி வரும்.
  • Chatting வந்தாலும் இப்படி நமக்கு செய்தி வரும்.
 இந்த வசதியை தற்பொழுது கூகுள் குரோம் Browser உபயோகிப்பவர்கள் மட்டுமே பெற முடியும்.

வரலாற்றில் இன்று: ஜனவரி 27

1943: இரண்டாம் உலக யுத்தத்தின்போது அமெரிக்க விமானங்கள் முதல் தடவையாக ஜேர்மனி மீது குண்டுத்தாக்குதல் நடத்தின.
1944: 900 நாட்கள் ஜேர்மனியர்களால் முற்றுகையிடப்பட்டிருந்த ரஷ்யாவின் லெனின் கிராட் நகரம் விடுவிக்கப்பட்டது.

1945: போலந்திலிருந்த நாஸிப்படைகளின் சித்திரவதை முகாமிலிருந்தவர்களை சோவியத் படைகள் விடுவித்தன.

1967: அப்பலோ 1 விண்கலம் ஏவப்பட்டபோது தீவிபத்து காரணமாக விண்கலத்திலிருந்த 3 விண்வெளி வீரர்களும் உயிரிழந்தனர்.

1967: விண்வெளியில் அணுவாயுதங்களை வைத்திருப்பதை தடைசெய்யும் ஒப்பந்தத்தில் 69 நாடுகள் கையெழுத்திட்டன.

1973: பாரிஸ் சமாதான உடன்படிக்கை மூலம் வியட்நாம் யுத்தம் முடிவுக்கு வந்தது.

1984: பொப்பிசைப் பாடகர் மைக்கல் ஜாக்ஸன், பெப்ஸி விளம்பரப் படப்பிடிப்பின்போது தீ விபத்துக்குள்ளானார்.

2006: வெஸ்டர்ன் யூனியன் நிறுவனம் தந்தி சேவைகளை நிறுத்திக்கொண்டது.
 

Wednesday, January 26, 2011

ஜி-மெயில் வழங்கும் புத்தம் புதிய வசதி

ஜி-மெயில் குழுவினர் புத்தம் புதிய வசதியொன்றினை தற்போது அறிமுகப்படுத்தியுள்ளார்கள். இது தற்போதைக்கு ஜி-மெயிலின் பரீசோதனைக்கு அறிமுகப்படுத்தப்பட்டுள்ளது. எங்களால் வாசிக்காமல் விடப்பட்ட மின்னஞ்ஞல்களின் எண்ணிக்கையை ப்ரவுசரில்(Browser) சிறிய படமாக தோற்றுவிப்பதே இந்த புதிய வசதியாகும்.




இதனை உங்கள் ஜி-மெயில் கணக்கில் செயல்படுத்த முதல் Settings ஐ க்ளிக் செய்து பின்னர் Labs இனை க்ளிக் செய்து Unread message icon என்பதை enable செய்தால் போதும். இனி நீங்கள் எத்தனை Tab திறந்து வைத்து வேலை செய்தாலும் நீங்கள் வாசிக்காமல் இருக்கக்கூடிய மின்னஞ்ஞல்களின் எண்ணிக்கை ஜி-மெயில் ஐகனுக்கு(Icon) பக்கத்தில் தோற்றமளிக்கும்.

வானத்தில் புதிய சூரியன் தோன்றும்: விஞ்ஞானிகளின் அதிர்ச்சித் தகவல்!


தற்போதைய உலகில் விண்ணில் பல அதிசயங்கள் நிகழ்ந்து வருகின்றது. இந்நிலையில் வானில் மிகவும் சக்தி வாய்ந்த வெளிச்சம் ஒன்று ஏற்பட உள்ளது. பூமி தோன்றிய நாள் முதல் இது மாதிரியான நிகழ்வு ஏற்பட்டதில்லை.

இந்த வெளிச்சமானது இரவை பகல் போன்று மாற்றும். இந்த நிகழ்வானது ஒரு வாரம் முதல் 2 வாரங்கள் வரை ஏற்படும் வாய்ப்பு உள்ளது.

அதிசக்தி வாய்ந்த விண் மீன் கூட்டமானது பூமியில் இருந்து 640 வெளிச்சம் ஆண்டுகள் தூரத்தில் உள்ளது. இந்த விண் மீன் கூட்டங்கள்  சிவப்பு நிறத்தில் ராட்சத வடிவிலானவை.

இவற்றின் ஆயுட்காலம் முடியும்போது அவை கூட்டம் கூட்டமாக வெடித்து சிதறும். இவ்வாறு வெடித்து சிதறும்போது வானில் சிவப்பு மற்றும் மஞ்சள் நிறத்தில் அதிசக்தி வாய்ந்த வெளிச்சம் தோன்றும்.


இது மற்றொரு சூரியன் புதிதாக தோன்றியதை போன்ற தோற்றத்தை உருவாக்கும். இச்சம்பவம் இந்த ஆண்டு இறுதியில் ஏற்படும் வாய்ப்பு ஏற்பட்டுள்ளது.

அப்படி இல்லாவிட்டால் அடுத்த 10 லட்சம் ஆண்டுகளுக்கு பிறகு தான் உண்டாகும். இந்த தகவலை ஆஸ்திரேலியாவின் தெற்கு குவின்ஸ்லாந்து பல்கலைக் கழகத்தின் இயற்பியல் துறை தலைவர் பேராசிரியர் "பிராட்கார்டர்" தெரிவித்துள்ளார்.

வரலாற்றில் இன்று: ஜனவரி 26


1500: வின்சென்ட் பின்ஸோன் என்பவர் பிரேஸிலில் காலடி வைத்த முதலாவது ஐரோப்பியரானார்.
 
1531: போர்த்துகலின் லிஸ்பன் நகரில் பாரிய பூகம்பம் ஏற்பட்டதால் ஆயிரக்கணக்கானோர் பலி.
 
1788: பிரித்தானிய தளபதி தலைமையில் அவுஸ்திரேலியாவுக்கு  முதல் தொகுதி  கைதிகளை ஏற்றிச் சென்ற கப்பல்கள் தற்போதைய சிட்னி துறைமுகப் பகுதியை அடைந்தன. இத்தினம் அவுஸ்திரேலிய தினமாக அனுஷ்டிக்கப்படுகிறது.
 
1930: இந்திய தேசிய காங்கிரஸ் ஜனவரி 26 ஆம் திகதியை பூரண சுவராஜ் தினமாக பிரகடனப்படுத்தியது.  20 வருடங்களின்பின் இந்தியா குடியரசாகியது.
 
1934: ஜேர்மன் - போலந்து மோதல் தவிர்ப்பு உடன்படிக்கை கையெழுத்திடப்பட்டது.
 
1950: இந்தியா குடியரசாகியது. ராஜேந்திர பிரசாத் முதல் ஜனாதிபதியாக பதவியேற்றார்.
1958: ஜப்பானிய கப்பலொன்று கவிழ்ந்தால் 167 பேர் பலி.
 
1965: இந்தியாவின் உத்தியோகபூர்வ மொழியாக இந்தி பிரகடனப்படுத்தப்பட்டது.
 
1980: இஸ்ரேல் - எகிப்து மோதல் தவிர்ப்பு இராஜதந்திர உறவுகள் ஆரம்பமாகின.
 
1992:அமெரிக்க நகரங்களை ரஷ்யாவின் அணுவாயுதங்கள் இலக்குவைப்பதை ரஷ்யா நிறுத்தும் என அந்நாட்டு ஜனாதிபதி பொரிஸ் யெல்டசின் அறிவித்தார்.
 
1998: வெள்ளை மாளிகை பணிப்பெண் மோனிகா லுவின்ஸ்கியுடனான தகாத உறவுகள் வைத்திருந்த குற்றச்சாட்டை அமெரிக்க ஜனாதிபதி பில் கிளின்டன் மறுத்தார். 8 மாதங்களின்பின் அவர் இக்குற்றச்சாட்டை ஒப்புக்கொண்டார்.
 
2001: இந்தியாவின் குஜராத் மாநிலத்தில் ஏற்பட்ட பூகம்பத்தினால் 20000 ஆயிரத்திற்கும் அதிகமானோர் பலி.
 
2004: ஆப்கானிஸ்தானின் புதிய அரசியலமைப்பில் ஜனாதிபதி ஹமீட் கர்சாய் கையெழுத்திட்டார்.

 

Tuesday, January 25, 2011

இணையத்தில் 280க்கும் அதிகமான தளங்களில் இருந்து வீடியோக்களை Download செய்ய


இணையத்தில் நாம் வீடியோக்களை கண்டிருப்போம். இதில் ஒரு சில வீடியோக்களை நாம் கணினியில் டவுன்லோட் செய்ய நினைத்தால் அந்த தளங்களில் டவுன்லோட் செய்யும் வசதியை அவர்கள் வைத்து இருக்க மாட்டார்கள். ஆகையால் இந்த வீடியோக்களை டவுன்லோட் செய்ய நாம் ஒருசில மென்பொருட்கள் அல்லது சில இணையதளங்களில் உதவியோடு டவுன்லோட் செய்வோம். இந்த வரிசையில் நாம் இன்று பார்க்கும் மென்பொருள் மிகவும் பயனுள்ளது.



மென்பொருளின் பயன்கள்:
  • இந்த மென்பொருளின் மூலம் இணையத்தில் இருக்கும் சுமார் 280 தளங்களில் இருந்து நமக்கு தேவையான வீடியோவை டவுன்லோட் செய்து கொள்ளலாம். எந்த மென்பொருளிலும் இவ்வளவு தளங்களில் இருந்து டவுன்லோட் செய்ய முடியாது.
  • ஒரே நேரத்தில் 1 முதல் 20 வீடியோக்கள் வரை டவுன்லோட் செய்து கொள்ளலாம்.
  • வீடியோக்களை தரவிறக்கும் போதே CONVERT செய்து கொள்ளும் வசதி.
  • 3.19 அளவே உடைய மிகச்சிறிய இலவச மென்பொருள்.
பயன்படுத்தும் முறை: 
  • கீழே உள்ள டவுன்லோட் பட்டனை அழுத்தி மென்பொருளை டவுன்லோட் செய்து உங்கள் கணினியில் இன்ஸ்டால் செய்து கொள்ளுங்கள். 
  • இப்பொழுது இன்ஸ்டால் செய்த மென்பொருளை ஓபன் செய்து கொள்ளுங்கள். கீழே இருப்பதை போல விண்டோ வரும். அதில் மேலே உள்ள சிறிய கட்டத்தில் நீங்கள் டவுன்லோட் செய்ய நினைக்கும் வீடியோவின் URL கொடுத்து அந்த DOWNLOAD என்ற பட்டனை அழுத்துங்கள்.
  • ஒரே நேரத்தில் டவுன்லோட் செய்யப்படும் எண்ணிக்கை இதில் 2 ஆக இருக்கும். இதனை மாற்ற SETTING க்ளிக் செய்து அதில் வரும் விண்டோவில் உங்கள் எண்ணிக்கை தேர்வு செய்யுங்கள். 
  •  இதில் அதிக பட்சம் 20 வீடியோக்களை ஒரே நேரத்தில் டவுன்லோட் செய்யுமாறு தேர்வு செய்து கொள்ளலாம்.
  • டவுன்லோட் செய்யும் போதே வீடியோவை நமக்கு தேவையான பார்மட்டில் மாற்றும் வசதி உள்ளதால் டவுன்லோட் செய்து CONVERTER  மென்பொருள் கொண்டு மாற்ற வேண்டிய அவசியம் இல்லை.
  •  இதற்க்கு OUTPUT SETTINGS என்பதை க்ளிக் செய்து தேவையான பார்மட்டை செட் செய்து கொள்ளுங்கள்.
  • இது போன்று வீடியோக்களை நாம் மிக சுலபமாக இணையத்தில் இருந்து தரவிறக்கி கொள்ளலாம். 280 தளத்திற்கும் மேலே இந்த மென்பொருள் மூலம் வீடியோக்களை டவுன்லோட் செய்து கொள்ளலாம்.

இந்த மென்பொருளை டவுன்லோட் செய்ய இந்த பட்டனை அழுத்துங்கள் 





மென்பொருளை பற்றி மேலும் அறிந்து கொள்ள http://www.allvideodownloader.com

வரலாற்றில் இன்று: ஜனவரி 24

1941: கலிகுலா என அறியப்பட்ட ரோம மன்னன் கையுஸ் சீசஸ் படுகொலை செய்யப்பட்டான்.

1857: தெற்காசியாவின் முதலாவது பல்கலைக்கழகமான கல்கத்தா பல்கலைக்கழகம் ஸ்தாபிக்கப்பட்டது.

1862:
ருமேனியாவின் தலைநகராக புகாரெஸ்ட் தெரிவுசெய்யப்பட்டது.

1918: ரஷ்யாவில் கிறகரியன் கலண்டர் அறிமுகப்படுத்தப்பட்டது.

1924: ரஷ்யாவில் சென் பீட்டர்ஸ்பர்க் என முன்னர்அறியப்பட்ட பெட்ரோகார்ட் நகரின் பெயர் லெனின்கிராட் என மாற்றப்பட்டது.

1939: சிலியில் இடம்பெற்ற பூகம்பத்தில் சுமார் 5000 பேர் பலியாகினர்.

1966: பிரான்ஸ், இத்தாலி எல்லையில் எயார் இந்தியா விமானம் விபத்துக்குள்ளானதால் 117 பேர் பலி.

1972: இரண்டாம் யுத்தத்தின் முடிவிலிருந்து குவாம் காட்டில் மறைந்திருந்த ஜப்பானிய படைவீரர் சோய்ச்சி யோகோஸ் கண்டுபிடிக்கப்பட்டார்.

1986: வொயேஜர் 2 விண்கலம்  யுரானஸ் கிரகத்தை 81500 கிலோமீற்றர் தொலைவில் கடந்து சென்றது.
1993: துரக்கிய பத்திரிகையாளர் உகுர் முக்கு, கார் குண்டுத்தாக்குதலின் மூலம் கொல்லப்பட்டார்.

1996: ரஷ்யாவுக்காக உளவுபார்த்தாக குற்றம் சுமத்தப்பட்ட போலந்து பிரதமர் ஜோசப் ஒலெக்ஸி இராஜினாமாச் செய்தார்.

2003: அமெரிக்காவில் உள்நாட்டுப் பாதுகாப்புத் திணைக்களம் செயற்பட ஆரம்பித்தது.